"Aston Villa" bosh murabbiyi Unai Emeri jamoasi g‘alabasi haqida o‘z fikrlarini bildirib o‘tdi.
Birmingemliklar kutilmaganda Londondan uch ochko olib ketishdi va ikkinchi bo‘limda “Tottenxem” darvozasiga javobsiz ikkita gol kiritishdi.
“Biz juda xursandmiz, jamoa yaxshi kurashdi. Birinchi gol juda muhim edi, chunki bu bizga ishonch bag‘ishladi va g‘alaba qozonish imkoniyati katta ekanligini angladik.
Odatda mehmondagi o‘yinlarda uydagidan ko‘ra ko‘proq himoyalanishga to‘g‘ri keladi va bugun biz vazifani to‘liq bajardik. Jamoa to‘psiz hamjihat va ishonchli harakat qildi", - dedi Emeri o‘yindan keyin Sky nashriga bergan intervyusida.
