"Астон Вилла" бош мураббийи Унаи Эмери жамоаси ғалабаси ҳақида ўз фикрларини билдириб ўтди.
Бирмингемликлар кутилмаганда Лондондан уч очко олиб кетишди ва иккинчи бўлимда “Тоттенхэм” дарвозасига жавобсиз иккита гол киритишди.
“Биз жуда хурсандмиз, жамоа яхши курашди. Биринчи гол жуда муҳим эди, чунки бу бизга ишонч бағишлади ва ғалаба қозониш имконияти катта эканлигини англадик.
Одатда меҳмондаги ўйинларда уйдагидан кўра кўпроқ ҳимояланишга тўғри келади ва бугун биз вазифани тўлиқ бажардик. Жамоа тўпсиз ҳамжиҳат ва ишончли ҳаракат қилди", - деди Эмери ўйиндан кейин Sky нашрига берган интервьюсида.
