Jurnalist Ekrem Konurning xabar berishicha, “An-Nasr” hujumchisi Vensan Abubakar qishda jamoani tark etishi mumkin.

Rahbariyat 30 yoshli kamerunlik futbolchi borasidagi takliflarni tinglab, uni 10 million dollarga qo‘yib yuborishga tayyor.

Dastlabki ma’lumotlarga ko‘ra, Abubakar klubdan norozi. U Saudiya Arabistoni chempionatidagi so‘nggi golini ham nishonlamadi va bu gol “An-Nasr”ga "Al-Halaj" ustidan minimal g‘alaba keltirdi (1:0).

Joriy mavsumda hujumchi 9 uchrashuvda 2 ta gol urdi va 1 ta golli uzatmani amalga oshirdi.

Shu haftada "An-Nasr" Krishtianu Ronaldu bilan shartnoma imzoladi.