"Real" va "Arsenal" klublarining sobiq yarim himoyachisi Mesut O‘zil faoliyatini Saudiya Arabistoni chempionatida davom ettirishi mumkin.
Todomercadoweb nashri xabariga ko‘ra, 34 yoshli yarim himoyachiga turnir jadvalida 12-o‘rinda borayotgan "Al-Feyxa" klubi qiziqish bildirmoqda.
O‘zil ayni damda Turkiyaning “Istanbul Bashakshehir” klubiga tegishli. Mesut belidagi muammolar tufayli mavsumning birinchi yarmida deyarli maydonga tushmadi.
Nemis futbolchisi turk jamoasiga 2022 yilning yozida kelib, bir yillik shartnoma imzolagan edi. Uning transfer narxi hozirda bir million yevroga baholanmoqda.
