"Реал" ва "Арсенал" клубларининг собиқ ярим ҳимоячиси Месут Ўзил фаолиятини Саудия Арабистони чемпионатида давом эттириши мумкин.
Todomercadoweb нашри хабарига кўра, 34 ёшли ярим ҳимоячига турнир жадвалида 12-ўринда бораётган "Ал-Фейха" клуби қизиқиш билдирмоқда.
Ўзил айни дамда Туркиянинг “Истанбул Башакшеҳир” клубига тегишли. Месут белидаги муаммолар туфайли мавсумнинг биринчи ярмида деярли майдонга тушмади.
Немис футболчиси турк жамоасига 2022 йилнинг ёзида келиб, бир йиллик шартнома имзолаган эди. Унинг трансфер нархи ҳозирда бир миллион еврога баҳоланмоқда.
