Joau Feliks mavsumning qolgan qismini “Atletiko”da o‘tkazishi mumkin.
Relevo nashri xabariga ko‘ra, portugaliyalik futbolchi Diyego Simeone bilan munosabatlari unchalik yaxshi bo‘lmaganiga qaramay, kamida yozgacha Madrid jamoasida qolishi mumkin. Yarim himoyachining boshqa klubga o‘tishiga to‘sqinlik qilayotgan asosiy sabab - uning narxi: "Atletiko" 130-140 million yevro talab qilmoqda.
Feliksga qiziqayotgan klublarning hech biri bunday pul to‘lashga tayyor emas. Majburiyat bilan ijara yoki sotib olish opsiyasi kabi variantlar ham ko‘rib chiqildi, ammo bu holatda ham transfer potensial xaridorlarga juda qimmatga tushadi.
Qolaversa, "Atletiko" Joauning saviyasidan kelib chiqib, jamoaga yordam bera olishiga ishonmoqda.
23 yoshli futbolchiga "Chelsi", "Arsenal" va "Manchester Yunayted" hamon qiziqish bildirmoqda, ammo bu klublar "Atletiko"ning moliyaviy talablarini qondira olmaydi.
