Жоау Феликс мавсумнинг қолган қисмини “Атлетико”да ўтказиши мумкин.

Relevo нашри хабарига кўра, португалиялик футболчи Диего Симеоне билан муносабатлари унчалик яхши бўлмаганига қарамай, камида ёзгача Мадрид жамоасида қолиши мумкин. Ярим ҳимоячининг бошқа клубга ўтишига тўсқинлик қилаётган асосий сабаб - унинг нархи: "Атлетико" 130-140 миллион евро талаб қилмоқда.

Феликсга қизиқаётган клубларнинг ҳеч бири бундай пул тўлашга тайёр эмас. Мажбурият билан ижара ёки сотиб олиш опцияси каби вариантлар ҳам кўриб чиқилди, аммо бу ҳолатда ҳам трансфер потенциал харидорларга жуда қимматга тушади.

Қолаверса, "Атлетико" Жоаунинг савиясидан келиб чиқиб, жамоага ёрдам бера олишига ишонмоқда.

23 ёшли футболчига "Челси", "Арсенал" ва "Манчестер Юнайтед" ҳамон қизиқиш билдирмоқда, аммо бу клублар "Атлетико"нинг молиявий талабларини қондира олмайди.