Chempionshipning 26-turida “Midlsbro” “Birmingem”ni 3:1 hisobida mag‘lub etdi.

Bu Maykl Kerrikning "Midlsbro" bosh murabbiyi sifatidagi 10-uchrashuvi bo‘ldi. Bu davrda u 22 ochko jamg‘argan – 7 g‘alaba, 1 durang va 2 mag‘lubiyat. Brayan Robson oxirgi marta 1994 yilda "Midlsbro"da shunday ishni bajargandi, o‘shanda u 10 uchrashuvda 23 ochko to‘plagan.

Oktyabr oyi oxirida Kerrik "Midlsbro"ni qabul qilib olganida, jamoa 16 uchrashuvda 4 ta g‘alaba bilan chempionshipda 21-o‘rinni egallagan edi. Hozir esa klub 5-o‘rinni egallab turibdi. Navbatdagi o‘yin 14 yanvar kuni 6-o‘rindagi “Milluoll”ga qarshi o‘tkaziladi.

41 yoshli Kerrik uchun bu uning bosh murabbiy sifatidagi debyut ishi.