Чемпионшипнинг 26-турида “Мидлсбро” “Бирмингем”ни 3:1 ҳисобида мағлуб этди.
Бу Майкл Кэррикнинг "Мидлсбро" бош мураббийи сифатидаги 10-учрашуви бўлди. Бу даврда у 22 очко жамғарган – 7 ғалаба, 1 дуранг ва 2 мағлубият. Брайан Робсон охирги марта 1994 йилда "Мидлсбро"да шундай ишни бажарганди, ўшанда у 10 учрашувда 23 очко тўплаган.
Октябрь ойи охирида Кэррик "Мидлсбро"ни қабул қилиб олганида, жамоа 16 учрашувда 4 та ғалаба билан чемпионшипда 21-ўринни эгаллаган эди. Ҳозир эса клуб 5-ўринни эгаллаб турибди. Навбатдаги ўйин 14 январь куни 6-ўриндаги “Миллуолл”га қарши ўтказилади.
41 ёшли Кэррик учун бу унинг бош мураббий сифатидаги дебют иши.
