Angliyada Premyer-liganing 19-turida "Everton" o‘z maydonida "Brayton" bilan o‘yinda mag‘lub bo‘ldi. Shu tariqa, Lempard ham futbolchi, ham murabbiy sifatida 2001 yildan beri birinchi marta ketma-ket uchta uy o‘yinida mag‘lub bo‘ldi.
Eslatib o‘tamiz, avvalroq "Everton" o‘z maydonida "Lester"ga 0:2 hisobida mag‘lub bo‘lgan, "Vulverxempton"ga ham imkoniyatni boy bergandi - 1:2. Navbatdagi o‘yinda “Everton” o‘z maydonida turnir jadvalida so‘nggi pog‘onani egallab turgan “Sautgempton”ga qarshi maydonga tushadi. Lempard o‘zini qutqarishi uchun yomon imkoniyat emas. Albatta, u o‘sha paytgacha o‘z lavozimida qolsa.
