Ukrainaning “Shaxtyor” klubi yarim himoyachi Mixail Mudrikni Londonning “Arsenal” klubiga sotishga tayyor ekanligini ma’lum qildi.

Goal xabariga ko‘ra, "konchilar" rahbariyati futbolchi uchun 100 million yevro olmoqchi. Mudrikning narxi oshgan, chunki futbolchi uchun kurashga "Chelsi" ham qo‘shilgan. Qayd etilishicha, agar "Shaxtyor" futbolchi bo‘yicha taklifni qoniqtirmasa, muzokaralarni yozgacha qoldirishadi.

Avvalroq “Arsenal” Mudrik uchun 70 million yevro taklif qilgani haqida xabar berilgandi. Ukrainalik futbolchining o‘zi hamyurti Aleksandr Zinchenko sharafini himoya qilayotgan “kanonirlar” safiga o‘tishni afzal ko‘rmoqda.

Joriy mavsumda Mudrik “Shaxtyor” safida 18 ta o‘yinda maydonga tushib, 10 ta gol urdi va 8 ta golli uzatmani amalga oshirdi. Tomonlar o‘rtasidagi kelishuv 2026 yilning dekabrida yakuniga yetadi.