Украинанинг “Шахтёр” клуби ярим ҳимоячи Михаил Мудрикни Лондоннинг “Арсенал” клубига сотишга тайёр эканлигини маълум қилди.
Goal хабарига кўра, "кончилар" раҳбарияти футболчи учун 100 миллион евро олмоқчи. Мудрикнинг нархи ошган, чунки футболчи учун курашга "Челси" ҳам қўшилган. Қайд этилишича, агар "Шахтёр" футболчи бўйича таклифни қониқтирмаса, музокараларни ёзгача қолдиришади.
Аввалроқ “Арсенал” Мудрик учун 70 миллион евро таклиф қилгани ҳақида хабар берилганди. Украиналик футболчининг ўзи ҳамюрти Александр Зинченко шарафини ҳимоя қилаётган “канонирлар” сафига ўтишни афзал кўрмоқда.
Жорий мавсумда Мудрик “Шахтёр” сафида 18 та ўйинда майдонга тушиб, 10 та гол урди ва 8 та голли узатмани амалга оширди. Томонлар ўртасидаги келишув 2026 йилнинг декабрида якунига етади.
