"Napoli" yarim himoyachisi Xvicha Kvarasxeliyaning agenti Mamuka Jugeli neapolliklar rahbariyati bilan uchrashish uchun Milanga keldi, deya xabar beradi insayder Nikolo Skira.

Suhbat mavzusi shartnomani uzaytirish va yarim himoyachining maoshini oshirish bo‘ladi. Kvarasxeliya va "Napoli" o‘rtasidagi amaldagi kelishuv 2027 yilning yoziga qadar mo‘ljallangan.

21 yoshli gruziyalik futbolchi 2022 yilning iyul oyida "Napoli"ga ko‘chib o‘tgandi. U Italiya jamoasi safida barcha musobaqalarda 17 ta o‘yinda maydonga tushib, 8 ta gol urdi va o‘nta golli uzatmani amalga oshirdi.