Xabaringiz bor, ayni paytda O‘zbekiston Coca Cola Superligasida mavsumlar oralig‘idagi tanaffus va qishki transfer “oynasi” payti.

Shu bois, Superliganing barcha klublarida o‘zgarishlar bo‘lishi tabiiy. Mazkur o‘zgarishlar albatta, “Navbahor”ga ham tegishli.

Oldinroq “lochinlar”ning serbiyalik 29 yoshli hujumchisi Zoran Marushich jamoamizni tark etganligini ma’lum qilgandik.

Shuningdek, jamoaning yana bir qator futbolchilari yangi mavsumni boshqa klublarda davom ettirishga qaror qilishdi. Quyida shu haqda to‘xtalamiz.

“Navbahor” tarkibini darvozabon Rahimjon Davronov (jamoa tarkibidan 2021-2022 yillar mavsumlarida o‘rin olib, O‘zbekiston Coca Cola kubogi bahsida jamoamiz darvozasini qo‘riqlagan), himoyachilar - Rustam Ashurmatov (jamoa safida Coca Cola Superliga - 2022da 25 ta o‘yin, 2250 daqiqa, 2 ta gol, 1 ta assist), Boyan Siger (jamoa safida 2021 – 2022 yillar mavsumlarida Cuperligada jami 36 ta o‘yinda maydonga tushib, 3095 daqiqa to‘p tepib, 1 ta golga mualliflik qilgan), Stanislav Andreev (Superliga-2022da 19 ta o‘yin, 1379 daqiqa, 1 ta assist), yarim himoyachilar – Azimjon Ahmedov (2019 – 2022 yillar mavsumida jamoa tarkibida Superligada 88 ta o‘yinda maydonga tushib, 6402 daqiqa to‘p tepib, 9 ta gol urgan va 1 ta golga assistentlik qilgan), Nurillo To‘xtasinov (Superliga–2022da 13 ta o‘yin, 508 daqiqa, 1 ta assist), Diyorjon Turopov (jamoa tarkibida Superliga–2022da 12 ta o‘yin, 759 daqiqa, 1 ta assist), qirg‘izistonlik 32 yoshli hujumchi Mirlan Murzayev (“lochinlar” tarkibida Superliga–2022da 3 ta o‘yin 52 daqiqa), bundan tashqari, jamoada ijara asosida to‘p tepgan rossiyalik 33 yoshli hujumchi Aleksandr Kasyan (“lochinlar” tarkibida Superliga–2022da 6 ta o‘yin, 33 daqiqa) tark etishdi.

Mazkur o‘yinchilardan Rustamjon Ashurmatov, Boyan Siger va Mirlan Murzayev o‘z faoliyatlarini xorij klublari, qolganlari esa yurtimiz jamoalarida davom ettirishadi.

“Navbahor” PFK matbuot xizmati.