"Liverpul" rahbariyati Dortmundning "Borussiya" klubi yarim himoyachisi Jud Bellingem faoliyatini "Real"da davom ettirishi mumkinligidan xabardor. Bu haqda Ispaniyaning Marca nashri xabar bermoqda.
Manbaning xabariga ko‘ra, "Liverpul" Bellingemning "Qirollik klubi"ga o‘tishi muqarrarligiga chidashga kirishgan. So‘nggi paytlarda "Real" 19 yoshli iqtidorning transferi bo‘yicha muzokaralarda sezilarli yutuqlarga erishdi.
Jud yozda potensial xaridorlarga 100 million yevrodan tushadi. Bu futbolchi "Liverpul" va "Real" uchun asosiy transfer maqsadi hisoblanadi.
