«MYU»da Jeydon Sancho jarohatlanganlar ro‘yxatiga kiritilmagan, ammo umumiy guruh bilan mashg‘ulot o‘tkazmaydi va o‘yinlar uchun ro‘yxatga kiritilmayapti. «Manchester Yunayted» bosh murabbiyi Erik ten Xag vaziyatga oydinlik kiritishga harakat qildi.
«Men Jeydonning imkon qadar tezroq maydonga qaytishini juda xohlardim, lekin jarayonni majburlay olmayman. Men qo‘limdan kelgan hamma narsani qilaman.
Jeydon qaytgach, formaga qaytsa, u biz uchun muhim qo‘shimcha variant bo‘ladi. O‘yinlarda g‘alaba qozonish uchun ko‘proq imkoniyatlarga ega bo‘lamiz. Bu qachon sodir bo‘ladi, men bilmayman. U hozir formada emas», - deya tushuntirdi Ten Xag.
