Lissabonning "Benfika" klubi yarim himoyachisi Enso Fernandes Portugaliya chempionatining navbatdagi o‘yinida jamoasiga yordam bermaydi. Bugun "burgutlar" o‘z maydonida "Portimonense" jamoasiga qarshi bahs olib boradi.
Jurnalist Fabrisio Romanoning so‘zlariga ko‘ra, argentinalik futbolchi bugun “Benfika” zaxira o‘rindig‘ida ham o‘tirmaydi.
Eslatib o‘tamiz, Lissabon klubi futbolchini Londonning "Chelsi" jamoasiga sotishdan bosh tortmoqda. Portugaliya klubining pozisiyasi aniq: agar "ko‘klar" Ensoni olishni istasa, to‘liq 120 million yevro miqdoridagi tovon pulini to‘lashi kerak.
Fernandes vaziyatdan hafsalasi pir bo‘ldi, chunki u "Chelsi"ga o‘tmoqchi edi. Biroq londonliklar futbolchi uchun bunday pul to‘lashga hali tayyor emas.
