Лиссабоннинг "Бенфика" клуби ярим ҳимоячиси Энцо Фернандес Португалия чемпионатининг навбатдаги ўйинида жамоасига ёрдам бермайди. Бугун "бургутлар" ўз майдонида "Портимоненсе" жамоасига қарши баҳс олиб боради.

Журналист Фабрицио Романонинг сўзларига кўра, аргентиналик футболчи бугун “Бенфика” захира ўриндиғида ҳам ўтирмайди.

Эслатиб ўтамиз, Лиссабон клуби футболчини Лондоннинг "Челси" жамоасига сотишдан бош тортмоқда. Португалия клубининг позицияси аниқ: агар "кўклар" Энцони олишни истаса, тўлиқ 120 миллион евро миқдоридаги товон пулини тўлаши керак.

Фернандес вазиятдан ҳафсаласи пир бўлди, чунки у "Челси"га ўтмоқчи эди. Бироқ лондонликлар футболчи учун бундай пул тўлашга ҳали тайёр эмас.