"Liverpul" afsonasi Jeymi Karrager Erik ten Xagning "Manchester Yunayted" klubidagi faoliyati haqidagi taassurotlari bilan o‘rtoqlashdi.
Eslatib o‘tamiz, "qizil iblislar" ayni damda Angliya Premyer-ligasida to‘rtinchi o‘rinda bormoqda, ammo jamoa zaxiradagi o‘yinida g‘alaba qozonsa, "Nyukasl"ni ortda qoldirib, uchinchi o‘ringa ko‘tariladi.
"Yaqin vaqtgacha "Manchester Yunayted" "Liverpul" va "Manchester Siti" darajasidan uzoqda ekanligi haqida ko‘p gapirilgan edi, ammo bu tezda o‘zgarib ketdi. Bunday fikrlar haqiqiy bema’nilik bo‘lib chiqdi. Jamoaga yangi murabbiy keldi va hozir ishlar ancha yaxshi ketmoqda", - dedi Karrager Sky Sports bilan suhbatda.
