"Korintians" prezidenti Duilio Monteyru Alvesning ma’lum qilishicha, Braziliya klubi ham hujumchi Krishtianu Ronaldu uchun taklif bilan chiqqan.

"Biz unga "Manchester Yunayted"dagi maoshi bilan ikki yillik shartnoma taklif qildik, bu juda ko‘p, ammo barchasi homiylar tufaylidir. Biroq “An-Nasr”dan kelgan taklif 20 barobar ko‘p edi. Biz ancha oldin Manchesterda tartibsizlik boshlanganida taklif bilan chiqqan edik. Albatta, bu juda qiyin bo‘ldi. Men Xorxe Mendesh bilan bir necha bor gaplashdim, keyin taklif jo‘natildi", - dedi Alves TV Bandeirantes telekanalidagi efirda.

2022 yilning 30 dekabrida "An-Nasr" 37 yoshli portugaliyalik bilan 2025 yilning iyunigacha shartnoma imzolaganini e’lon qildi.

Avvalroq Ronaldu “Sporting”, “Real”, “Yuventus” va “Manchester Yunayted” klublarida o‘ynagan. U Madrid klubi tarixidagi eng yaxshi to‘purar (450 ta gol) hisoblanadi.