"Aston Villa" himoyachi Aleks Morenoning transferi bo‘yicha "Betis" bilan muzokaralarda sezilarli muvaffaqiyatga erishdi. Insayder Fabrisio Romanoning so‘zlariga ko‘ra, kelishuv yakunlanish arafasida.
Manba bergan xabarga ko‘ra, "Aston Villa"ning yangi bosh murabbiyi Unai Emeri Birmingem klubi xo‘jayinlaridan Morenoni sotib olishni talab qilgan.
Eslatib o‘tamiz, Aleks yozda Angliyaning boshqa jamoasi - "Nottingem Forest"da paydo bo‘lishi mumkin edi, ammo futbolchi so‘nggi lahzada ushbu transferdan voz kechishga qaror qildi.
Ispaniya chempionatining joriy mavsumida Moreno uchta golli uzatmani amalga oshirdi. 29 yoshli himoyachi 20 mln yevroga baholanmoqda.
