"Chelsi"ning senegallik darvozaboni Eduard Mendining mashg‘ulotlarda barmog‘i singanidan so‘ng operasiya qilindi. Bu haqda ingliz klubi rasmiy sayti xabar berdi.

"30 yoshli futbolchi reabilitasiya bosqichida klubning tibbiy bo‘limi bilan ishlaydi", - deyiladi "Chelsi" bayonotida.

Mendi joriy mavsumda "Chelsi" safida Angliya Premyer-ligasida 9 ta o‘yinda maydonga tushdi. Qatarda bo‘lib o‘tgan 2022 yilgi jahon chempionatida darvozabon Senegal terma jamoasining barcha to‘rtta o‘yinida maydonga tushdi. Afrikaliklar guruhdan chiqdi va 1/8 finalda Angliya terma jamoasiga 0:3 hisobida imkoniyatni boy berdi.

"Chelsi" 17 turdan keyin 25 ochko bilan APLda 10-o‘rinda bormoqda. "Arsenal" 44 ochko bilan peshqadamlik qilmoqda.