"Челси"нинг сенегаллик дарвозабони Эдуард Мендининг машғулотларда бармоғи синганидан сўнг операция қилинди. Бу ҳақда инглиз клуби расмий сайти хабар берди.
"30 ёшли футболчи реабилитация босқичида клубнинг тиббий бўлими билан ишлайди", - дейилади "Челси" баёнотида.
Менди жорий мавсумда "Челси" сафида Англия Премьер-лигасида 9 та ўйинда майдонга тушди. Қатарда бўлиб ўтган 2022 йилги жаҳон чемпионатида дарвозабон Сенегал терма жамоасининг барча тўртта ўйинида майдонга тушди. Африкаликлар гуруҳдан чиқди ва 1/8 финалда Англия терма жамоасига 0:3 ҳисобида имкониятни бой берди.
"Челси" 17 турдан кейин 25 очко билан АПЛда 10-ўринда бормоқда. "Арсенал" 44 очко билан пешқадамлик қилмоқда.
