"Aston Villa" bosh murabbiyi Unai Emeri jamoasi hali ham yangi vinger izlayotganini tan oldi. Jamoa qishki transfer oynasida bu pozisiyaga o‘yinchi olishni orzu qilmoqda.
"Bizga aniq vazifalarni bajara oladigan vinger kerak. Bizga shunday futbolchi juda kerak va biz uni topish uchun bor kuchimizni ishga solyapmiz", - dedi Emeri matbuot anjumanida.
Eslatib o‘tamiz, "Aston Villa" ayni damda Angliya Premyer-ligasi turnir jadvalida 11-o‘rinda bormoqda. Emeri avvalroq mavsum boshida yomon natija ko‘rsatgani uchun ishdan bo‘shatilgan Stiven Jerrardning o‘rnini egallagan.
