"Barselona" bosh murabbiyi Xavi Ispaniya Kubogining 1/8 final bosqichiga qur’a tashlash natijalari haqida fikr bildirdi. Eslatib o‘tamiz, kataloniyaliklar ushbu bosqichda uchinchi divizion vakili "Seuta" jamoasiga qarshi o‘ynaydi.

"Bizga birinchi marta qur’ada omad kulib boqdi. Ammo shuni unutmangki, o‘tgan kuni "Interciti" bilan o‘yinda jiddiy muammolarga duch keldik", - dedi Xavi shanba kuni bo‘lib o‘tgan matbuot anjumanida.

Eslatib o‘tamiz, "Barselona" "Intersiti"ni 4:3 hisobida mag‘lub etgandi. Kataloniyaliklar qo‘shimcha daqiqalarda g‘alaba to‘pini kiritishdi.

Oxirgi marta “Barselona” 2020/2021 yilgi mavsumda Ispaniya kubogini yutgan edi.