"Барселона" бош мураббийи Хави Испания Кубогининг 1/8 финал босқичига қуръа ташлаш натижалари ҳақида фикр билдирди. Эслатиб ўтамиз, каталонияликлар ушбу босқичда учинчи дивизион вакили "Сеута" жамоасига қарши ўйнайди.
"Бизга биринчи марта қуръада омад кулиб боқди. Аммо шуни унутмангки, ўтган куни "Интерcити" билан ўйинда жиддий муаммоларга дуч келдик", - деди Хави шанба куни бўлиб ўтган матбуот анжуманида.
Эслатиб ўтамиз, "Барселона" "Интерсити"ни 4:3 ҳисобида мағлуб этганди. Каталонияликлар қўшимча дақиқаларда ғалаба тўпини киритишди.
Охирги марта “Барселона” 2020/2021 йилги мавсумда Испания кубогини ютган эди.
