"Barselona" bosh murabbiyi Xavi Ernandes Ispaniya chempionati doirasidagi "Atletiko"ga qarshi o‘yindan oldin fikrlari bilan o‘rtoqlashdi.

“Biz har hafta o‘ynaymiz va har bir o‘yin muhim. "Atletiko" bilan o‘yin hal qiluvchi emas, ammo turnir jadvaliga ta’sir qiladi. Himoyada kuchli raqib bilan safarda qiyin o‘yin bo‘ladi. Biz imkoniyatlar yaratishimiz va avvalgi ikki o‘yindagidan ko‘ra samaraliroq harakat qilishimiz kerak.

"Atletiko"ning bizga qo‘yadigan taktikasiga tayyor bo‘lishimiz kerak" , - deydi Xavi.