"Manchester Siti" bosh murabbiyi Pep Gvardiola Angliya kubogi bahsidan so‘ng Grem Potter haqida gapirdi.
Uchrashuv Gvardiola shogirdlarining yirik hisobdagi g‘alabasi bilan yakunlandi – 4:0. "Chelsi" uchun bugungi mag‘lubiyat so‘nggi 9 o‘yindagi oltinchi mag‘lubiyat bo‘ldi, ammo ispaniyalik murabbiy London klubi egalarini sabrli bo‘lishga chaqirdi:
"Men Todd Boeliga Grem Potterga vaqt berishini aytgan bo‘lardim. Barcha murabbiylarga o‘zini ko‘rsatish uchun vaqt kerak. Ha, "Barselona"da muvaffaqiyatli natijaga erishishim uchun ikki mavsum kerak bo‘lmadi, lekin u yerda menda Messi bor edi", - deya Gvardiolaning so‘zlarini keltiradi jurnalist Nizaar Kinsella.
