"Atalanta" yarim himoyachi Ruslan Malinovskiy "Marsel"ga o‘tganidan so‘ng, sobiq klubi futbolchi bilan xayrlashdi.

“Uch yarim yillik unutilmas tuyg‘ular. Hammasi uchun rahmat Malina. Omad!”, — deyiladi klub matbuot xizmatida.

Italiya jamoasi yarim himoyachini 2019 yilning yozida 13,6 million yevro evaziga sotib olgandi. O‘shandan beri Malinovskiy 143 ta o‘yin o‘tkazib, 30 ta gol va 28 ta golli uzatmani amalga oshirgan.

Norasmiy ma’lumotlarga ko‘ra, "Marsel" ukrainalik futbolchi uchun 10+3 million yevro to‘laydi. Bu olti oylik ijara bo‘lib, sotib olish majburiy variantdir.