"Аталанта" ярим ҳимоячи Руслан Малиновский "Марсел"га ўтганидан сўнг, собиқ клуби футболчи билан хайрлашди.
“Уч ярим йиллик унутилмас туйғулар. Ҳаммаси учун раҳмат Малина. Омад!”, — дейилади клуб матбуот хизматида.
Италия жамоаси ярим ҳимоячини 2019 йилнинг ёзида 13,6 миллион евро эвазига сотиб олганди. Ўшандан бери Малиновский 143 та ўйин ўтказиб, 30 та гол ва 28 та голли узатмани амалга оширган.
Норасмий маълумотларга кўра, "Марсель" украиналик футболчи учун 10+3 миллион евро тўлайди. Бу олти ойлик ижара бўлиб, сотиб олиш мажбурий вариантдир.
