Uelslik hujumchi faoliyatini yakunladi, u voqealarga boy bo‘lgani aniq. Ularning eng yorqinlarini eslab o‘tmoqchimiz. U umrining yarmidan ko‘pini katta futbolda o‘tkazdi: u "Sautgempton"da o‘ynadi, keyin esa "Tottenxem"ning yulduzi hisoblandi va "Real"da o‘zining 9 yilini o‘tkazdi. Beyl ko‘tarilishlar va pasayishlarga boy martabaga ega bo‘ldi.
2018 yilgi Chempionlar ligasi finalida qaychi usulida urilgan gol
Finalda Madridning “Real” klubi Kiyevdagi “Olimpiyskiy” stadionida “Liverpul” bilan kubok uchun kurash olib bordi. O‘shanda Beyl maydonga 61-daqiqada tushdi. O‘sha paytga kelib uchrashuvda hisob 1:1 edi: avval Karim Benzema gol urdi, keyin Sadio Mane hisobni tenglashtirdi. Hujumchi darhol o‘yinga qo‘shildi. Uch daqiqa o‘tgach, tablodagi hisob "Real Madrid" foydasiga o‘zgardi. Bu golni o‘sha uchrashuvni ko‘rgan muxlislar eslaridan chiqrishmasa kerak.
83-daqiqada Beyl dubl qayd etdi va "Real Madrid" yakunda 13-chempionlikni qo‘lga kiritdi, shuningdek, tarixda ketma-ket uchta Chempionlar ligasida g‘alaba qozongan birinchi jamoaga aylandi.
"Barselona" bilan Ispaniya kubogi finalidagi gol
“Real” 11-daqiqada hisobni ochgan bo‘lsa, ikkinchi bo‘limda standartdan gol o‘tkazib yubordi. Biroq, 85-daqiqada Beyl aql bovar qilmaydigan ish qildi: u to‘pni maydonning o‘z yarmida qabul qilib, Mark Bartra shunchaki unga yetib ololmasligi uchun yugurdi, shundan so‘ng u to‘pni darvozaga yo‘lladi. Va bularning barchasi nechidir soniyalarda hal bo‘ldi!
Hatto Useyn Bolt ham o‘shanda uni tabriklagandi: “Bu ajoyib gol edi. U himoyachilarni aylanib o‘tishda katta tezlik va to‘pni darvozabon oyog‘i ostidan uzatishda xotirjamlikka ega ekanligini ko‘rsatdi. Beyl hozir dunyoning eng tezkor futbolchisi. Futbolda tezlik belgilovchi sifatdir”.
"Inter" darvozasiga xet-trik
Beylning "Tottenxem"dagi faoliyati haqida u bilan birga klubga la’nat olib kelgani aytilgandi: jamoa u ishtirok etgan ketma-ket 24 uchrashuvda g‘alaba qozona olmadi.
2010/2011 yilgi mavsumda u porladi. "Tottenxem" "San-Siro"da "Inter" bilan o‘ynadi va bu halokatli o‘yin bo‘ldi. Tanaffusgacha londonliklar 0:4 hisobida mag‘lub bo‘lishdi va ikkita futbolchisiz qoldi. Uchrashuvning ikkinchi bo‘limida Beyl haqiqiy shou ko‘rsatdi: u uchrashuvda xet-trik qayd etdi. “Tottenxem” yakunda mag‘lub bo‘ldi, biroq Beylning bir kishilik o‘yinini hamma yodida qoldirdi.
Yevro 2016
Beyl tom ma’noda o‘z jamoasini Yevroga olib chiqdi va bu katta yutuq bo‘ldi. UYEls 1958 yildan beri yirik turnirda ishtirok eta olmagandi. Turnirning yakuniy qismida u jamoasini oldinga boshladi. Avvaliga Slovakiya, keyin Angliya, keyin esa Rossiya darvozasiga gol urdi. Uels oxir-oqibat guruhdan chiqdi va hatto yarim finalga qadar yetib bordi va champion Portugaliyaga mag‘lub bo‘ldi.
2014 yilgi Chempionlar ligasi finalidagi gol
"Real Madrid" 90-daqiqagacha "Atletiko"ga 0:1 hisobida mag‘lub bo‘lib turdi - Serxio Ramosning goli o‘yinni qo‘shimcha vaqtga o‘tishiga sabab bo‘ldi. Beyl 110-daqiqada ikkinchi golni urdi, bu aslida eng muhimi bo‘ldi. Shundan so‘ng "Real Madrid" yana ikkita gol urdi va g‘alaba bilan kubokni boshi uzra ko‘tardi.
16 yoshidagi debyut
Beyl 16 yoshu 275 kunligida "Milluoll"da 2:0 hisobida g‘alaba qozongan "Sautgempton"da debyut qildi va u Teo Uolkottdan keyin klub tarixidagi eng yosh ikkinchi futbolchiga aylandi. O‘sha yilning may oyida u birinchi marta Trinidad va Tobago bilan o‘rtoqlik o‘yinida UYEls terma jamoasi libosida maydonga tushgan edi.
Eng qimmat futbolchi
2013 yil avgustida Madridning “Real” klubi transfer bozorini “portlatib” yubordi: “Tottenxem” Beyl uchun 100 million yevro olgan, bu o‘sha paytda futbol tarixidagi eng qimmat transfer edi.
