"Atletiko" Joau Feliksni qanday shartda "Chelsi"ga ijaraga berishi malum bo‘ldi.
Marca xabariga ko‘ra, portugaliyalik futbolchi ketishidan oldin klub u bilan shartnomani yana bir yilga - 2027 yilgacha uzaytirmoqchi. Ushbu harakat "Atletiko"ga Feliksning transfer amortizasiyasini kamaytirish imkonini beradi.
Eslatib o‘tamiz, futbolchining narxi uning shartnomasi muddati davomida teng taqsimlanadi. Bu "amortizasiya" deb ataladi. Feliksga kelsak, "Benfika"ga to‘langan 127,2 million yevro shartnoma muddati davomida taqsimlanadi.
Agar Feliks bilan shartnomani bir yilga uzaytirish bo‘yicha kelishuvga erishilsa, u holda tez orada “Atletiko” va “Chelsi” Joauning 2023 yilning 30 iyuniga qadar ijaraga olinganini rasman e’lon qiladi.
Ma’lum bo‘lishicha, klublar 23 yoshli futbolchini ijaraga olishga og‘zaki kelishib olgan. "Chelsi" uning ijarasi uchun 11 million yevro to‘laydi va uning klubda qolishi uchun butun maoshini o‘z zimmasiga oladi - 5,3 million funt (6 million yevro).
Joriy mavsumda Joau "Atletiko" safida barcha musobaqalarda 20 ta o‘yinda maydonga tushib, 5 ta gol urdi va 3 ta golli uzatmani amalga oshirdi. U JCH-2022da Portugaliya terma jamoasi safida 3ta o‘yinda 1ta gol urdi va 2ta golli uzatmani amalga oshirdi.
