"Атлетико" Жоау Феликсни қандай шартда "Челси"га ижарага бериши малум бўлди.

Marca хабарига кўра, португалиялик футболчи кетишидан олдин клуб у билан шартномани яна бир йилга - 2027 йилгача узайтирмоқчи. Ушбу ҳаракат "Атлетико"га Феликснинг трансфер амортизациясини камайтириш имконини беради.

Эслатиб ўтамиз, футболчининг нархи унинг шартномаси муддати давомида тенг тақсимланади. Бу "амортизация" деб аталади. Феликсга келсак, "Бенфика"га тўланган 127,2 миллион евро шартнома муддати давомида тақсимланади. 

Агар Феликс билан шартномани бир йилга узайтириш бўйича келишувга эришилса, у ҳолда тез орада “Атлетико” ва “Челси” Жоаунинг 2023 йилнинг 30 июнига қадар ижарага олинганини расман эълон қилади.

Маълум бўлишича, клублар 23 ёшли футболчини ижарага олишга оғзаки келишиб олган. "Челси" унинг ижараси учун 11 миллион евро тўлайди ва унинг клубда қолиши учун бутун маошини ўз зиммасига олади - 5,3 миллион фунт (6 миллион евро).

Жорий мавсумда Жоау "Атлетико" сафида барча мусобақаларда 20 та ўйинда майдонга тушиб, 5 та гол урди ва 3 та голли узатмани амалга оширди. У ЖЧ-2022да Португалия терма жамоаси сафида 3та ўйинда 1та гол урди ва 2та голли узатмани амалга оширди.