Noel Le Gre Fransiya futbol federasiyasi (FFF) prezidenti lavozimini tark etishi mumkin.
L’Équipe nashri xabariga ko‘ra, FFFning bir nechta a’zolari bu borada chora ko‘rishga tayyor. Ular Le Greni shunday holatga keltirishlari mumkinki, u iste’foga chiqishga majbur bo‘ladi.
FFFning nomi oshkor etilmagan a’zolari Le Gre tashkilotni boshqara olmasligiga ishonishadi va bu yo‘l davom etmasligiga ishonchlari komil. Ularning ko‘plari bu haqda oylar davomida o‘ylashdi. Le Grening Zinedin Zidan haqidagi hurmatsiz so‘zlari "qaytarib bo‘lmaydigan nuqta"ga aylandi. Qayd etilishicha, Le Gre FFFdagi qo‘llab-quvvatlashni yo‘qotgan.
Xususan, Noel 6 yanvar kuni bo‘lib o‘tgan ijroiya qo‘mita yig‘ilishida bunday imkoniyatga ega bo‘lgan bo‘lsa-da, Didye Desham bilan shartnomani 2026 yilgacha uzaytirishga qaror qilgani haqida tashkilot ijroiya qo‘mitasini xabardor qilmagan. Shartnoma uzaytirilishi ertasi kuni rasman e’lon qilindi.
Qolaversa, sport vazirining iltimosiga ko‘ra, ayni damda Fransiya futbol federasiyasi tekshiruvdan o‘tkazilmoqda.
Bugun Le Gr va FFF bosh kotibi Florans Arduen bir necha hafta davomida tashkilot faoliyatini o‘rganayotgan uch nafar inspektor bilan suhbatlashdi. Qayd etilishicha, Le Gre va Florans Arduen endi bir-birlarini qo‘llab-quvvatlamaydilar va tergov davomida hisob-kitob qilishlari mumkin.
