The Athletic xabariga ko‘ra, agent Xorxe Mendesh o‘tgan yozda Krishtianu Ronalduning "Real"ga o‘tishi ustida ishlagan.
Manba bergan xabarga ko‘ra, Mendesh "qaymoqranglilar" rahbariyati bilan bir necha bor bog‘langan, biroq ispan klubi taklif bilan chiqmaslikka qaror qilgan. Qayd etilishicha, boshqa top-klublar "Manchester Yunayted" 37 yoshli portugaliyalikning maoshining katta qismini o‘z zimmasiga olish taklifiga qaramay, Ronaldu bilan shartnoma imzolashdan bosh tortgan.
JCH-2022dan so‘ng Ronaldu "Real Madrid" bazasida mashg‘ulot o‘tkazdi. Keyinroq Marca nashri hujumchi Madriddan taklif kutayotgani haqida xabar berdi.
Ronaldu "An-Nasr"ga 2022 yilning dekabr oyi oxirida bepul transfer evaziga qo‘shildi. U yiliga 200 million yevro maosh bilan 2025 yilning yoziga qadar shartnoma imzoladi.
Avvalroq, joriy yilning 5 fevralida 38 yoshga to‘ladigan portugaliyalik futbolchi “Sporting”, “Real”, “Yuventus” va “Manchester Yunayted” klublarida to‘p surgan. U Madrid klubi tarixidagi eng yaxshi to‘purar (450 ta gol).
