37 yoshli portugaliyalik superyulduz Krishtianu Ronaldu Saudiya Arabistonining “An-Nasr” klubi bilan 2025 yilning yoziga qadar shartnoma imzoladi.

Ronaldu riyodliklar safida yiliga 200 million yevro ishlab oladi.

Avvalroq “An-Nasr” hujumchisi Saudiya Arabistonining JCH-2030 da’vogarining elchisi bo‘lishi va buning uchun 200 million yevro olishi haqida xabar berilgan edi, biroq klub keyinchalik bu ma’lumotni rad etdi.

Ronalduning Saudiya klubiga o‘tishi Fors ko‘rfazining barcha mamlakatlari uchun muhim imidj qadamdir. Shartnoma imzolanganidan ko‘p o‘tmay, BAAda joylashgan dunyodagi eng baland bino Burj Xalifada Ronalduning yangi jamoa libosilagi surati paydo bo‘lgani bejiz emas.