"PSJ" yarim himoyachisi Pablo Sarabiya yaqin kunlarda Angliya Premyer-ligasiga o‘tishi mumkin. Jurnalist Adriyen Greniyerning ijtimoiy tarmoqlarda yozishicha, ispaniyalik futbolchi yaqinda Xulen Lopetegi boshchilik qilayotgan "Vulverxempton"ning nishoniga tushgan.
"Bo‘rilar" ustozi o‘tgan mavsumda "Sporting" safida 15 ta gol urgan Sarabiyaga ega bo‘lishni xohlaydi.
Sarabiya va Lopetegi "Sevilya"da birga ishlashga ulgurmadi. Xulen 2019 yilning yozida jamoani qabul qilishi bilanoq, bir oy o‘tib yarim himoyachi "PSJ"ga o‘tgan edi.