"ПСЖ" ярим ҳимоячиси Пабло Сарабия яқин кунларда Англия Премьер-лигасига ўтиши мумкин. Журналист Адриен Грениернинг ижтимоий тармоқларда ёзишича, испаниялик футболчи яқинда Хулен Лопетеги бошчилик қилаётган "Вулверхэмптон"нинг нишонига тушган.
"Бўрилар" устози ўтган мавсумда "Спортинг" сафида 15 та гол урган Сарабияга эга бўлишни хоҳлайди.
Сарабия ва Лопетеги "Севилья"да бирга ишлашга улгурмади. Хулен 2019 йилнинг ёзида жамоани қабул қилиши биланоқ, бир ой ўтиб ярим ҳимоячи "ПСЖ"га ўтган эди.