"Chelsi" bu qishda Lissabonning "Benfika" jamoasidan yarim himoyachi Enso Fernandesni qo‘lga kirita olmaydi. Jurnalist Florian Plettenbergning so‘zlariga ko‘ra, “aristokratlar” argentinalik uchun 120 million yevro tovon puli talab qilayotgan “burgutlar” rahbariyatining gapiga kirmoqchi emas.
"Chelsi" qishdayoq muqobil variantlarga o‘tishi mumkin, bu esa klubga Fernandesdan ancha arzonga tushadi. Boshqa nomzodlar qatorida avvalroq "Brayton"da amaldagi murabbiy Grem Potter bilan birga ishlagan Moises Kaysedo nomini uchratish mumkin.
Eslatib o‘tamiz, "Chelsi" Jorjinyoning yozda ketishiga tayyorgarlik ko‘rmoqda. Klub tezda uning o‘rniga yarim himoyachi topmoqchi.
