"Челси" бу қишда Лиссабоннинг "Бенфика" жамоасидан ярим ҳимоячи Энцо Фернандесни қўлга кирита олмайди. Журналист Флориан Плеттенбергнинг сўзларига кўра, “аристократлар” аргентиналик учун 120 миллион евро товон пули талаб қилаётган “бургутлар” раҳбариятининг гапига кирмоқчи эмас.
"Челси" қишдаёқ муқобил вариантларга ўтиши мумкин, бу эса клубга Фернандесдан анча арзонга тушади. Бошқа номзодлар қаторида аввалроқ "Брайтон"да амалдаги мураббий Грем Поттер билан бирга ишлаган Моисес Кайседо номини учратиш мумкин.
Эслатиб ўтамиз, "Челси" Жоржинёнинг ёзда кетишига тайёргарлик кўрмоқда. Клуб тезда унинг ўрнига ярим ҳимоячи топмоқчи.
