"Liverpul" himoyachisi Trent Aleksander-Arnold Dortmundning "Borussiya" klubi yarim himoyachisi Jud Bellingem haqida o‘z fikrlari bilan o‘rtoqlashdi.
“U - ajoyib inson. Jud bu yoshi uchun ajoyib qobiliyatli, u jamoaga g‘alaba qozonishda yordam beradi, gol uradi va golli uzatma beradi. Menimcha, uning kelajagi juda porloq. Bellingem maydonda ham, maydon tashqarisida ham tartibli. U haqiqiy professional va ajoyib o‘yinchi", - deya Aleksandr-Arnoldning so‘zlarini keltiradi Sky Sports.
Bellingem Dortmundning “Borussiya” klubida 2020 yilning iyulidan buyon to‘p suradi. Joriy mavsumda 19 yoshli ingliz futbolchisi Dortmund klubi safida 22 ta o‘yinda maydonga tushib, 9 ta gol urdi va 3 ta golli uzatmani amalga oshirdi.
Uning "Borussiya" bilan shartnomasi 2025 yilning yoziga qadar mo‘ljallangan. Transfermarkt portali futbolchining narxini 110 million yevroga baholamoqda.
