"Ливерпуль" ҳимоячиси Трент Александер-Арнольд Дортмунднинг "Боруссия" клуби ярим ҳимоячиси Жуд Беллингем ҳақида ўз фикрлари билан ўртоқлашди.
“У - ажойиб инсон. Жуд бу ёши учун ажойиб қобилиятли, у жамоага ғалаба қозонишда ёрдам беради, гол уради ва голли узатма беради. Менимча, унинг келажаги жуда порлоқ. Беллингем майдонда ҳам, майдон ташқарисида ҳам тартибли. У ҳақиқий профессионал ва ажойиб ўйинчи", - дея Александр-Арнольднинг сўзларини келтиради Sky Sports.
Беллингем Дортмунднинг “Боруссия” клубида 2020 йилнинг июлидан буён тўп суради. Жорий мавсумда 19 ёшли инглиз футболчиси Дортмунд клуби сафида 22 та ўйинда майдонга тушиб, 9 та гол урди ва 3 та голли узатмани амалга оширди.
Унинг "Боруссия" билан шартномаси 2025 йилнинг ёзига қадар мўлжалланган. Transfermarkt портали футболчининг нархини 110 миллион еврога баҳоламоқда.
