«Manchester Yunayted» afsonasi Erik Kantona klubning transfer bozoridagi faoliyati haqida o‘z fikrlari bilan o‘rtoqlashdi.

«Aleks Fergyuson davrida, agar kerak bo‘lsa, dunyoning eng yaxshi futbolchisi «Manchester Yunayted»ga kelishi mumkin edi. Chunki klub Angliya va Yevropaning bir qator turnirlarida g‘alaba qozongan edi. «Manchester Yunayted» dunyoning eng katta klubi bo‘lgan. Endi hammasi boshqacha. «Manchester Yunayted» bu kabi futbolchilarni ololmaydi, chunki ular bu klubga borishni xohlamaydilar.

Demak, «Manchester Yunayted» aqlli siyosat yuritishi kerak, xuddi «Liverpul» kabi. Ular dunyoning eng zo‘ri bo‘lmagan, ammo ajoyib jamoa va ajoyib muhitga ega bo‘lgan Mane va Salohni olib, deyarli barcha musobaqalarda g‘alaba qozonishdi. Keyin esa Mane va Saloh dunyoning eng yaxshi futbolchilaridan biriga aylanishdi. Bu «Yunayted» uchun o‘rnak bo‘ladi deb o‘ylayman», - dedi Kantona.