Angliya chempionatida katta oltilik iborasi anchadan beri shakllangan. Mamlakatning asosiy jamoalari: "Man Siti", "Liverpul", "Chelsi", "Tottenxem", "Arsenal" va "Manchester Yunayted". Jamoalar o‘tgan mavsumni shu tartibda yakunladi. Bu klublardan kuchli 4 talik (Chempionlar ligasini beruvchi o‘rinlar) uchun kurashishda yengish deyarli imkonsizdek tuyuldi.
O‘tgan yil davomida vaziyat o‘zgardi.
"Nyukasl" raqiblariga saviya borasida yetib olmoqda. Endi katta oltilik katta yettilikka aylanmoqda. Bundan roppa-rosa bir yil oldin klub premyer-ligada so‘nggidan oldingi, ya’ni 19-o‘rinda edi. "Nyukasl" hozirda turnir jadvalida uchinchi o‘rinni egallab turibdi. Garchi "Manchester Yunayted" hisobida bitta kam o‘yin bo‘lsa-da, ammo yo‘qotilgan ochkolar bilan hisoblasangiz ham, "Nyukasl" haliyam Chempionlar Ligasi zonasida.
"Nyukasl" jamoaga qancha sarmoya kiritdi?
Agar "Nyukasl"ning transferlariga e’tibor qilmagan bo‘sangiz, o‘ylashingiz mumkin: yaxshi, hamma narsa aniq, shayxlar kelib, katta pul bilan jamoani kuchaytirdi. Ammo bu fikrni mutlaqo to‘g‘ri deb bo‘lmaydi. Masalan, joriy yozda klubning transfer balansi (sotishlar va xaridlar nisbati) -134 million yevroni tashkil etdi. Liganing top-klublari uchun bu eng yuqori ko‘rsatkich emas. Transfermarkt ma’lumotlariga ko‘ra, Premyer-liga klublarining 2022 yil yozi uchun balansi:
"Chelsi": -288 million
"Manchester Yunayted": -227 million
"Vest Xem": -164 million
"Nottingem Forest": -155 million
"Nyukasl": -134 million
"Tottenxem": -131 million
"Arsenal": -108 million
"Sautgempton": -101 million
Mablag‘lar yevroda
"Nyukasl" katta pullar bilan hammani transfer qilmoqda desak mubolag‘a bo‘ladi. Garchi bir yil oldin hamma narsa boshqacha ko‘ringandi. Yangi mezbonlar uchun birinchi transfer oynasida, jamoani quyi ligaga tushib ketish zonasidan qutqarish kerak bo‘lganida, Tripye (14 million yevro), Byorn (15 million yevro), Uillok (29,4 million yevro), Vud (30 million yevro) va Gimaraesh (42,1 million yevro). Bunday qishdan keyin menejment ko‘proq raqobatchilarga sarmoya kiritishda davom etayotgandek tuyuldi, ammo bu voqea yozda ham, qishda ham sodir bo‘lmadi.
Tarkib qiymati bo‘yicha (452,2 million yevro) "Nyukasl" hali ham APLning kuchli 7 klubidan biri emas, bu reytingda to‘qqizinchi o‘rinni egallab turibdi. Transfermarkt ma’lumotlariga ko‘ra, nafaqat katta oltilik, balki "Vest Xem" va "Aston Villa" ham qimmatroq tarkibga ega.
«Nyukasl»ning asosiy o‘yinchilari kimlar?
Eng ajablanarlisi, jamoadagi barcha yangi transferlar bilan "Nyukasl"da anchadan buyon o‘ynagan futbolchilar ajralib turishadi. Ushbu mavsum boshida Sent-Maksimin (2019 yildan beri jamoada) porlab chiqdi - u "Siti" darvozasiga ikkita gol urdi. Eng asosiy yulduz Almiron so‘nggi 11 turda sakkizta gol urdi (shuningdek, 2019 yildan beri jamoada). Qolaversa, shayxlardan oldin klubda bo‘lgan Joelinton va Uilson ham oldingi chiziqda o‘ynashadi.
Almiron yaqinda memga aylandi. Hammasi "shaharliklar" vingeri Grilishning so‘nggi chempionligini shu qadar yaxshi nishonlashi bilan boshlandiki, u o‘ziga kamera oldida hazil qildi: “Mahrezni asosiy tarkibdan olib tashlash kerak – u Almiron kabi o‘ynaydi”. Grilish bu fikri uchun qattiq tanqid qilindi va u uzr so‘radi. Almironning so‘nggi muvaffaqiyatlaridan keyin esa muxlislar "shaharliklar" futbolchisini tinmay mazax qilishadi. Jumladan, banner yordamida: "Men Almiron kabi o‘ynashni xohlayman".
Garchi "Nyukasl"ga yangi kelganlar ham muhim rol o‘ynashsa: Pop, Tripye va Gimaraesh muvaffaqiyat uchun muhim tarkibiy qismlardir. Jamoada hatto ligadagi eng ko‘p tilga olinadigan familiya egasi Vud (ingliz tilida daraxt) gol uradi. U top-klub futbolchisiga o‘xshamasligi aniq. Bir yil oldin hamma "Byornli"dan Vudni sotib olish bilan "Nyukasl" premyer-ligada qolish uchun kurashda raqibni zaiflashtirib yuborishdi, deb hazillashgandi. Biroq, bu mavsumda Premyer-ligada Vud 18 turdan 17 tasida maydonga tushdi (asosan zahiradan).
Ammo Isak ("Nyukasl" tarixidagi eng qimmat transfer - 70 million yevro) biz haqiqatan ham uni deyarli Premyer-ligada ko‘rmadik. Hujumchi uch turdan so‘ng jarohat oldi, u yaxshi o‘yin ko‘rsatayotgandi, ikki marta gol urishga ulgurgan. Isak sog‘ bo‘lganida, "Nyukasl" yanada kuchliroq ko‘rinardi. Taxminlarga ko‘ra, u jarohatdan tiklanib, yana Premyer-ligada o‘ynash arafasida. U so‘nggi haftada Angliya kubogi va liga kubogida bir necha daqiqa o‘yin o‘tkazdi.
