"Nissa" yarim himoyachisi Mario Lemina "Vulverxempton"ga o‘tdi.

Ingliz klubi rasmiy sayti xabariga ko‘ra, 29 yoshli gabonlik futbolchi bilan 2025 yilning iyun oyi oxirigacha shartnoma imzolangan. Transfer summasi aniqlanmagan.

Lemina 2021 yilning iyulidan beri "Nissa"da o‘ynab kelayotgan edi. 2022/23 yilgi mavsumda u jamoa safida barcha musobaqalarda 22 ta o‘yinda maydonga tushib, 1 ta gol urdi va 1 ta golli uzatmani amalga oshirdi.

Yarim himoyachi Angliyada o‘ynash tajribasiga ega, u "Sautgempton" va "Fulxem"da o‘ynagan.