"Ницца" ярим ҳимоячиси Марио Лемина "Вулверхэмптон"га ўтди.
Инглиз клуби расмий сайти хабарига кўра, 29 ёшли габонлик футболчи билан 2025 йилнинг июнь ойи охиригача шартнома имзоланган. Трансфер суммаси аниқланмаган.
Лемина 2021 йилнинг июлидан бери "Ницца"да ўйнаб келаётган эди. 2022/23 йилги мавсумда у жамоа сафида барча мусобақаларда 22 та ўйинда майдонга тушиб, 1 та гол урди ва 1 та голли узатмани амалга оширди.
Ярим ҳимоячи Англияда ўйнаш тажрибасига эга, у "Саутгемптон" ва "Фулхэм"да ўйнаган.













