“Napoli” klubi vingeri Xvicha Kvarasxeliya Italiya chempionatining 18-turi doirasidagi Turinning “Yuventus” klubi ustidan qozonilgan yirik g‘alaba haqida gapirdi. Luchano Spaletti shogirdlari “keksa sinora”ni 5:1 hisobida mag‘lub etishdi.
"Bu sehrli kecha edi", - deya xabar qoldirdi yarim himoyachi ijtimoiy tarmoqlarida.
Oxirgi bahsda Kvarasxeliya bitta gol urdi.
Kechagi muvaffaqiyat evaziga “Napoli” 18-turdan keyin 47 ochkoga ega. Neapolliklar eng yaqin ta’qibchidan o‘n ochko oldinda.
Xvicha joriy mavsum A Seriyada 15 o‘yinda 7 ta gol urdi va 7 ta golli uzatmani amalga oshirdi.
