“Наполи” клуби вингери Хвича Кварацхелия Италия чемпионатининг 18-тури доирасидаги Туриннинг “Ювентус” клуби устидан қозонилган йирик ғалаба ҳақида гапирди. Лучано Спалетти шогирдлари “кекса синора”ни 5:1 ҳисобида мағлуб этишди.
"Бу сеҳрли кеча эди", - дея хабар қолдирди ярим ҳимоячи ижтимоий тармоқларида.
Охирги баҳсда Кварацхелия битта гол урди.
Кечаги муваффақият эвазига “Наполи” 18-турдан кейин 47 очкога эга. Неаполликлар энг яқин таъқибчидан ўн очко олдинда.
Хвича жорий мавсум А Серияда 15 ўйинда 7 та гол урди ва 7 та голли узатмани амалга оширди.
