"Manchester Yunayted"ning sobiq hujumchisi Erik Kantona Krishtianu Ronaldu haqida fikr bildirdi. Faxriyning so‘zlariga ko‘ra, portugaliyalik hujumchi faoliyatini yakunlayotganini bilishi kerak.

"Menga o‘xshab erta faoliyatini yakunlaganlar ham, 40 yoshgacha o‘ynashga qaror qilganlar ham bor. Ular orasida ikkita tur bor: o‘zini hali 25 yoshda deb o‘ylagani uchun barcha o‘yinlarda maydonga tushishni hohlovchilar va 25 yoshga to‘lmaganligini tushunib, yoshlarga yordam berish uchun kelganlar.

Menimcha Ronaldu 25 yoshli futbolchiman deb o‘ylamoqda. U yoshi kattaroq va hamma o‘yinlarni o‘ynay olmasligidan norozi bo‘lish o‘rniga: "Men 25 yoshda emasman, doim o‘ynay olmayman, lekin yoshlarga yordam bera olaman" deyishi kerak edi.

Qarishni qabul qiladigan odamlar bor, boshqalari esa qabul qilmaydi. Siz buni faqat futbolda emas, har bir ishingizda qabul qilishingiz kerak. Men 30 yoshimdagidek yugura olmayman, buni qabul qilishim kerak. Men bir kun o‘lishimni tan olishim kerak. Bu qiyin, lekin bu sodir bo‘ladi. Faoliyatimning oxiri o‘limga o‘xshaydi" - dedi Kantona.