"Manchester Yunayted" yarim himoyachisi Brunu Fernandesh "qizil iblislar" endi bir jamoa bo‘lib o‘ynashini aytib o‘tgan so‘zlariga izoh berdi, biroq bir necha oy oldin hamma faqat o‘zi haqida qayg‘urardi.
"Ba’zilarga men aytgan so‘zlarni e’lon qilgani uchun rahmat. “Manchester Yunayted”ning yaxshi ishlayotganini ko‘rish qiyinligini bilaman va ular biz haqimizda yaxshi gaplardan boshqa hech narsa aytishmaydi.
Krishtianuga hujum qilish uchun mening ismimdan foydalanmang! U yarim mavsum davomida jamoamizning bir qismi bo‘ldi va men ko‘p intervyularda aytganimdek, u ajoyib edi. Uning harakatlari natijasini jamoamiz o‘yinida ko‘rishingiz mumkin", - deb yozdi Fernandesh ijtimoiy tarmoqdagi sahifasida.
Eslatib o‘tamiz, portugaliyalik hujumchi Krishtianu Ronaldu o‘tgan yilning noyabr oyida "Manchester Yunayted"ni tark etgan va keyinroq "An-Nasr" klubi bilan shartnoma imzolagan edi.
